مؤسسة الرسالة التربوية فرع المجرالكبير


    قصائد الشاعر ابو حيدر المجراوي 1432 هـ

    شاطر
    avatar
    ابوليث
    المشرف العام والمنتدى الحسيني

    عدد المساهمات : 32
    تاريخ التسجيل : 03/10/2010
    العمر : 41
    الموقع : ميسان/المجر الكبير

    قصائد الشاعر ابو حيدر المجراوي 1432 هـ

    مُساهمة  ابوليث في الأحد نوفمبر 27, 2011 12:16 am

    بسمه تعالى
    ( المستهل)
    * أعتب آنه أعتب ... عالزمان أعتب ..زينب تراني
    ياكمر تدري ... سلبوا خدري ... او دهري رماني
    ***********************************************************************
    (1) يالرحت للماي لختك اتجيبه تدري ياعباس ظلت غريبه
    عنها راح حسين هاي المصيبه من خدرها الخيل صارت جريبه
    * من يردها اعداي ... يالرحت للماي .. والجيش اجاني
    *****************************************************************
    (2) ياكمر بجفاك حيلي هدمته للخيم بالجود ترجعلي يمته
    جم طفل عطشان يصرخ سمعته خويه يمته اتعود تمسح دمعته
    * اسمع بالخيام ...صرخات الأيتام ... ميته عساني
    *******************************************************************
    (3) صخت ياعباس انته الجبتنه تالي بين اعداك رحت وعفتنه
    من اجتنه الخيل كونك شفتنه أ بلا ولي والكوم وليه ولتنه
    *يالكلت بحماي ...من غدر دنياي... جندوب أعاني


    (4) كلي ياعباس أصبر آنه شلون وأسمع العدوان بيكم يشتمون
    يسعر الدلال وتندي العيون والحمل مطروح يمته تردون
    • ياكمر ناديت... امن الصبر مليت... لا وين أتاني

    ******************************************************************

    (5) تدري ياعباس حركوا خيمنه خويه هاللحظات كون انته يمنه
    بالفلا امن النار هجّت حرمنه احنه نترجاك ترجع إتلــــمنه
    • لا فكر لاراي ... لاوالي وياي ... تالي زماني
    خادم أهل البيت
    أبو حيدر المجراوي محرم/ 1432 هـ



    (لمستهل ) شد عليهم كمرنه ..... شد عليهم
    صاح بيهم فخرنه ..... صاح بيهم
    *اليوم ((يوم الواقعه ))......ايصير فوك المشرعه
    شد عليهم كمرنه ..... شد عليهم ******************************************************************
    اليوم ابن حماي جاره حان دوره بكربله
    كبل لا يشفي غليله ايريد يروي العايله
    والكتايب من وصلها عدها صارت معضله
    سيف ذو الفقار بيده اشلون راح تقاتله
    *بس وصل شاطي النهر احتله ابن فارس مضر
    شد عليهم كمرنه ..... شد عليهم
    ************************************************************************
    هذا يوم الغاضريه اوهاي ساحات النضال
    كامت إتموج الكتايب كبل لايبدي القتال
    اونية العباس صارت يمضي ويفض الجدال
    صاح بالميدان صوت اوفزت اشباه الرجال
    *وين فرسان الحرب خلها للحومه تطب
    شد عليهم كمرنه ..... شد عليهم

    عالنهر وجيوش أميه ترتعد ما وصلته
    ترس جوده وركب مهره او بالسهام إتلكته
    خاف عالجود إيتبده والعيال إبعازته
    صـــال خيـال المنايا اوفوك تخفك رايته
    *اتلوذ من سيفه الزلم ا بزود واصرار اوعزم
    شد عليهم كمرنه ..... شد عليهم
    ***************************************************
    كبّر العباس بالطف صاح حيّا إعله الجهاد
    اوكبر اوياه الفرات اوضجن ((السبع الشداد))
    هوّه جيش اكبال جيش ماكو واحد عالحياد
    كام سوى الغاضريه اشــــــبه بيوم المعاد
    *الجيش بصنافه انكسر يطرد اعليه الكمر
    شد عليهم كمرنه ..... شد عليهم
    ******************************************************
    عالفرات اثنين اديه مانكول اتكطعن
    لكن بيوم الشدايد هنه اديه اتطوعن
    شافن الموقف رهيب وللبتول اتبرعن
    وحده تشكف للحسين اوحده تبره ويالضعن
    *هاي جفين الوفه إتفيض غيره اوعاطفه
    شد عليهم كمرنه ..... شد عليهم

    خادم أهل البيت ابوحيدر المجراوي محرم 1432هـ




    بسمه تعالى
    المستهل :
    *ماي رادت مني بت فارس مضر
    *آنه اخوها اليوم أجيب الها النهر

    شسهل من هاي ... يوصلها الماي
    *آنه اخوها اليوم أجيب الها النهر
    *******************************
    هاي بت حامي دخيله ... او جدها طه المصطفى
    كون تعطش وانه يمها ..... جا على الدنيه العفا
    خلها تامر عالكفلها ............. ابيا مهمه اتكلفه
    دين تطلبني العقيله ........ اوهالحصل يوم الوفه
    * اليوم أنفذ بالكفر ... اعظم عقاب
    *ابسيفي اخلي ابكربله الدم للرجاب
    سيفي ابيمناي ... يوصلها الماي
    * آنه اخوها اليوم أجيب الها النهر
    ************************************
    هاي سماها العقيله .......... امن الزغر حامي الحمه
    واحنه نحلف كلنا بيها ........... اشلون تشعر بالضمه
    راية الكرار عندي .............. او عندي درعه اوصارمه
    اليوم احاكمها الطغاة .............. او عالشريعه المحكمه
    *بيها يشهد كل نخل شاطي الفرات
    *اشلون راح اتدنك اركاب الطغاة
    متوهمه اعداي ... يوصلها الماي
    *آنه اخوها اليوم أجيب الها النهر




    واهمه اجيوش الاعادي ... ابكل درب متجمعه
    عالنهر فرضت حصار .... او ظنها تكدر تمنعه
    عبّأ أنصاره الحسين ........... كل مقاتل قاطعه
    او قاطع العباس حده ... امن الخيم للمشرعه
    *واختي زينب رادت أكسر هالحصار
    *يعني واجب شرعي أجرد ذو الفقار
    تطلبني هواي ... يوصلها الماي
    آنه اخوها اليوم أجيب الها النهر
    ****************************************************
    شعتذر لأم البنين ..............واحنه أول أربعه
    بينا للزهره البتول ......... امن المهد متبرعه
    ياطفل يولد تنذره .......... اوللحسين اتطوعه
    اومن طلع ركب الامامه ... وكفت أمنه اتودعه
    *كالت الحره أمانه ابركبتك
    *واختك اليوم الشدايد رادتك
    اختي او بحماي ... يوصلها الماي
    آنه اخوها اليوم أجيب الها النهر
    ******************************************************
    يوم كل عمري انتظرته ....... او ياما تانيت الطفوف
    وعد منطيها العقيله ...... لو تمرني اصعب اظروف
    لازم أوصلها الشريعه ... او عنها أطشّرها الصفوف
    اوماتطيح الرايه مني .............. الّه وياها الجفوف
    *بيش أجازي الحره بت أشرف نسب
    *لو أخلّ ابـ (وعدي) شتكول العرب
    تعبت برباي .... يوصلها الماي
    أنه اخوها اليوم أجيب الها النهر

    ابوحيدر المجراوي
    محرم 1432هـ


    بسمة تعالى
    المستهل:-

    * يادهــــــري منك مليــــت .... صبرا عليه
    * من أهلي عندي اشخليت .... صبرا عليه


    1/ هاي انه زينب بت علي حامي الجار............ وبحالي تدري
    لاولـد عندي اولا اخو او لا انصار .......... وتطفي خدري
    واتريد اروحن للسبي او با لاشرار ............. بسك يدهري

    * يادهري انه ابياحال ............... وامشي سبيه
    * واترك رفات الابطال .............. صبرا علــيه
    ــــــــــــــــــــــــــــــــــــــــــــــــــــــــــــــــــــــــــــــــــــــــــــ
    2/ يادهري منك ماشفت بس لوعات ....... عذبت حالي
    معقوله مابين الكفر والشمات ........... تكظي الليالي
    من يوم اجيت الكربله والحسبات ..... كلها اعله بالي

    * ماحســبت هــيج اتمــــــيل .....بالغاضريه
    * تسحك على ابن امي الخيل .. صبراً عليه

    ............................................................................................
    3/ بالطف ولا واحد عفت من هالبيت ........... يبره اويضعني
    عالكــفل خدري للشريــعه اتعنيت ........... فكــده فجعــــني
    كتله آل امــــيه عذبتني اوناديــت ............ محـد سمــعـــني

    * ماجني بت داحي الباب ............ راعي الحميه
    * مسبيه اروح اويجناب ............... صبراً عليه







    4/ يادهري والله اتعذبت من هالحال ........... نار ابدليلي
    اسمعها تبجي العايلــه والاطفال ........... هدمت حيلي
    ظيم العليه ابكربله ايهد اجبال ............ مارد كفيـلي

    * ردته يجي ايطفي اخيام ...... امنه الزجيه
    *متحيره اوعندي أيتـــام ........صبراً عليه
    ـــــــــــــــــــــــــــــــــــــــــــــــــــــــــــــــــــــــــــــــــــــــ

    5/ يادهري مل مني الصبر يمته ايعـود ........ حامي الضعينه
    كافل خدرنـه للوصي منطي اعهــــود ........ ويـــــاه اجــينه
    نتمنه يرجع للخيم راعـــــي الجـــود ........ يسمع بجـــينه

    *كالوا وكع بين اعـــــــــــــــــداه ........... حامي الثنيه
    *لا يسرته ولا يمـــــــــــــــناه ................صبرا عليه


    خادم أهل البيت
    أبو حيدر المجراوي
    1432 هـ


    بسمة تعالى
    المستهل:-

    *انه ألزهره واجيت امن ألمدينه*اجيت انشد على ابني حسين وينه

    **********************************************************************
    1/ اجيت من ألمدينه أتصب الدمـــــــوع
    اونساني مصابه أصواب الضلــــــوع
    لكيته أعله الوطيه اونحره مكطوع
    * اوجسمه ابكل مجان امصوبينه

    ******************************************************
    2/
    اجيت الكر بله اوشفت المصايـــب
    خوات حسين برض ألطــف غرايب
    تصد أعليهن أعيون الأجــــــانب
    * اوشفت زين العباد امكيدينه

    ******************************************************
    3/ اجيت امن المدينه امعذبه الحال
    شفت بتي العقيله اتلم بالعيال
    وسياط الشماته اعليها تنهال
    • عليها اتجاسرت اهل الضغينه
    *********************************************************************

    4/ اجيت امن المدينه انشد على حسين
    لكــــيته بالعراء اويمه سبعـــــــــين
    عليهم تسحك اخــيول المظلـــــــــين
    * طغاة اوبالسوابق تندعينه
    *****************************************************************





    5/ اجيت الكربله اوشاهدت الابطال
    با لمصــــــــرع عليهم تذري الارمال
    اوروس اعله الرماح اكبالي تنشال
    * اوتمادت بالكفر امه نبينه
    * * * * * * * * * * * * * * * * * * * * * * * * * * * * * * * * * * * * * * * * *
    6/ شفت موقف اشد من طعن الارمــــــاح
    اسمعت صوت العقيله امن الخيم صاح
    خويه حسين حملــــــــي اتمايل اوطاح * ولفتنه الخيل ونريدك تجيــنه
    * * * * * * * * * * * * * * * * * * * * * * * * * * * * * * * * * * * * * * * * *
    7/ على ابني حسين تكتب خلها الاقلام
    اوترف ابكل محــــــــــــــــــرم سود الاعلام
    ترى امصابي ايتجدد حزنه كل عـــــــــام * اولحد يـــوم الحشر ابقه حزينه
    انه الزهره واجيت امن الـــــــــــــــمدينه * اجيت انشد على ابني حسين وينه







    خادم اهل البيت (ع)
    ابو حيدر المجراوي
    1432هـ

    بسمه تعالى

    المستهل: * شنهي الذنب يادنياي ..... من والدي احرمتيني
    * طفله اوتعاديتي اوياي ..... من مسلم احرمتيني
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    1. يادنيه بالله ابياذنب ......... وتصبين ...... جورج عليّه
    طفله وعلى الوجنه يصب ... دمع العين .... صبح ومسيه
    وعيوني تربي اعله الدرب ... اسأل وين ... راعي الحميه

    *يادنيه منج شكـــــــــــواي ... مكسـوره خـليـتـينـي
    *حزني اوعذابي اوبلواي ... من والدي احرمتيني
    ــــــــــــــــــــــــــــــــــــــــــــــــــــــــــــــــــــــــــــــــــــــ

    2. يادنيه من يوم ابتعد ....... راعي البيت ..... نيراني تسعر
    واعدني بس طال الوعد .... واحتاريت ........ ليش ايتأخر
    ياخوفي مايرجع بعد........ واتمنيت ....... هالساعه يحضر

    *يادنيه زودتــي ابجــــــــــاي.... اوعن سلوتي ابعدتيني
    *طفله آنه ليـش مـن اصبـــاي..... من والدي احرمتيني
    ــــــــــــــــــــــــــــــــــــــــــــــــــــــــــــــــــــــــــــــــــــــ

    3. يامحنتي اوكاس الصبر ... من فركاه .....فاض اوتبده
    لاجمني كلبي او انتظر...آنه اهناه ... بس روحي عدّه
    بس لا تصير اهل الغدر... ويه اعداه... وتعوفه وحـده

    * جنج صفيتي اويعداي .... اومن هسّه يتمتيني
    * ياوحشة العمر الجاي .....من والدي احرمتيني







    4. حي بعده مسلم لو وكع .... عمي حسين .. نادت حميده
    بغيابه أحس كلبي انشلع ... يالماشين ... لرض البعيده
    حبل الوصل جنه انكطع ... سهم البين .... سوّى اليريده

    * يادنيه كصرتــي اهـواي .... بالغربه ضيعتينــــي
    * لافكر عندي اولا راي ..... من والدي احرمتيني

    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    5. يادنيه مابين الأهل ... والأحباب ......... كضيته عمري
    هسه آنه ضيعت الامل ..... والأسباب .... بيها الله يدري
    ماادري وافاه الاجل .... لمّن غاب ..... بالكوفه ضخري

    *للكوفه مسلم من راح .... ويّاه اخذها اسنيني
    *يادنيه جايمته ارتاح .... من والدي احرمتيني




    بسمة تعالى
    المستهل:-

    نظل خــــــدام *مــــدى الأيام ...على الخـــــدمــة تعاهدنه
    .________.________.___________.____________.____________._________.

    1/ من دم الشعب من جوعه من صبره .......... أو من حزن اليتامى أو دمعة ألفقره
    نصبنالك منابر كــــــــل وكت تقره .......... أو نترجى الأجــــــر يامهجة ألزهره
    واحــــــــــد بالكبر يحتاجك أتحضره ........ .. والآخر عالسراط أيريدك اتعبره

    * يمن ردناك *شفيع أهناك ......... غيرك سيدي اشعدنه
    __.____.___.____.____.___.___.
    2/
    نحضر مجلسك والدمعه تحدينه.... ....... اوهاي أثـــــــــــــــــار حزنك بينت بينه
    لأن بيك اعتقدنه اوانته والينه .......... محامي أو بالقيامـــه أتدافع أعلينــــــه
    منو الكال الجهنم انته تطينه ........... واحـنه بــــدفتـرك مكتوبـه اسامينـه

    كصدنه أنزور *لطمنه أصدور *..... مو من طبعك أتردنه
    _.___.___.___.___.___.___.___.___.
    3/
    هــا لخدمــه الشريفة نفتخر بيها ............. اوتــاج أتصــير لليفهم معانيـــها
    وإعلام ألطبك واجــــــــب نعليها ............. على روس الحشود أترف نخليها
    نريد أم الحسن عالهم نواسيها .............. تحضر كــل عزاء ألزهره ندريها

    * ابشريعتنه * ابعقيدتنه ..........بالمحشــر تســـاعدنـــــه
    ____.____.____._____.____.____.










    4/
    اخلص ياموالي ألدنيه خلصانه ............... وابد غير الجفن ماناخذ اويانـــــه
    أمس بعزاز أهلنه رحنه دفأنه ............... اوعلى غفله اوتجي اتجدم منايانه
    منكر بالكبر ندري ايتلكانه ................ اولاعظم محكـــــمه يرفع قضايانه

    * أبو الأحرار * إذا نحتار........ يحضر و يتفكدنـــه

    ___.___.___.___.___.___.___.___.___.

    5/
    ألاهي رحمتك ياواسع ألرحمه .............. يامن بالعطايا اولا يجف قلمـــه
    الاهي اقسم عليك أبحق نبي ألامه ........... وبحق الحسين الضحى إلك دمه
    تغفر كل ذنوبه الأسس الخدمة .............. اوتشفع للهدوني الحب أبو أليمه

    *تعلمنه * لكينه امنه................تنعى او يبجي والدنـــــــــــــه


    _________________________________________________________










    أبو حيدر المجراوي

    بسمة تعالى
    المستهل:- (قصيده كعديه)
    * دارك خليه .............. يبويه ...يبويه
    * وحشه الثنيه ............ يبويه ... يبويه
    * ارض المدينه ........... امست حزينه
    1/ يالخذت وياك روحي.......... ساعة افراك الوطن
    كونك اتشوف العليله ........ من حدى اوسار الضعن
    آه من شفت الرجايب ........ بالفواطـــــــــــــم طوحن
    * بس حدى الحادي صحت ....حسين بويه اتعذبت... وأظلم ابعيني الوكت
    بالوداع اجروح كلبي ...حيل بويه اتوسّعن
    *للغاضريه ....يبويه ...يبويه
    *رحت من اديه ...يبويه ...يبويه
    اوديرة نبينه ......أمست حزينه
    ************************************************************
    2. طلعت اتنادي العليله .......وين ابن ليث العرب
    اظلمت دارك عليه ........ اوبين بجسمي التعب
    بالعجل ردتك تجيني...... بويه احس موتي كرب
    * ناحله وماشوف دربي .. تنسمع دكات كلبي ..عالدروب العين تربي
    * أهلي عافوني وحيده ابدارهم شنهي السبب
    ترجع اليه ...يبويه ...يبويه
    *كبل المنيه...يبويه ...يبويه
    روحي الحنينه … امست حزينه

    3. يالمشيت اوداعة الله …...أدعي ليطول السفر
    اوكون ترجعلي بسلامه ....ابجاه بت سيد البشر
    ياحسين الفركه صعبه....اومدري شمخبي القدر
    * يامن رحت بالقافله …..ويّاك أخذت العايله …..تدريها بويه امدلله
    *ابعايلة حامي الحميه...خايفه ايميل الدهر
    عندي وصيّه ...يبويه ..يبويه
    خدر الوفّيه …يبويه ..يبويه
    ابهاي الضعينه ...امست حزينه
    *************************************************
    4. موحشه يادار اهلنه ...اوصوتها اولا ينسمع
    دار احزان الوديعه ..العاصرت كسر الضلع
    بعد مامر فرح بيها ...اولا يفاركها الدمع
    * تاهت اوموحش نزلها ...تشتكي امن افراك اهلها ...خبر منهم ما وصلها
    يمته ياضعن الأحبة ...اترد عليها اونجتمع
    تصعب عليه .. يبوية..يبويه
    دار الزجيه.. .. يبوية..يبويه
    البيها ربينه أمست حزينه



    5- آنه وأم عباس عمي …....اتشاركينه ابها لأمر
    جارت اعلينه الليالي ……..اوعا لمواجع ننتظر
    الليل مابيه ساعه نغفه .. اونصحه وي طرت الفجر
    عالدرب نكعد نتاني .. وين وداكم زماني ..نعيش لحظات الاماني
    عمر بالأحلام يكظي .. ريته لاطال العمر
    صبح او مسيه ..يبويه ..يبويه
    نحلم ســــــويه ..يبويه يبويه
    اوكل وحده بينه . أمست حزينه


    خادم اهل البيت
    ابو حيدر المجراوي
    1432 هـ


    بسمه تعالى
    المستهل :
    *كربله هظمتنه اوبالولد فجعتنه
    جارت اعلينه اوحرم ظلينه
    كربله هظمتنه
    ***************************************
    1/ يبني يجاسم من كلت كومي اوياي.......... للغاضريه
    هيجت حزني اوهالخبر يبني اهواي .... أثر إعليه
    طول الدرب متألمه اوزاد ابجاي .....من هالقضيه

    *يالولد جيتنه اخرت فرحتنه
    *حدى حادينا اوحرم ظلينه
    كربله هظمتنه
    ******************************************
    2/ يوم الشفت طف كربله كلت اهناه ....يفجعني دهري
    واهناه يجسّــام الفرح ضيــعناه ....من كتلي اصبري
    لاجمني كلبي والصبر وين الكاه .......بعدك يذخري

    *هالمحن خلتنه نحلم ابجمعتنه
    *واكطعت بينا اوحـرم ظلينه
    كربله ظلينه
    *********************************************
    3 / بعيوني شفتك اكبلت عالعدوان ......... يل خذت روحي
    انتظر جيتك يالولد بالصيوان......... هاجت اجروحي
    اوزادت يجاسم من غبت بالميدان....... حسرتي اونوحي

    *غيبتك عصرتنه والعدى اتعنتنه
    * واحنه ناديـــنه اوحـــرم ظلينه
    كربله هظمتنه






    4/ تسمع يجاسم من صحت يبني اوياك.......لاتخليني
    مابيه احمل بالولــد مر فركـــاك....... من ماتجيني
    بيني الكتايب لو طحت وين الكاك......من يدلـــيني

    * يالجنت سلوتنه والكفر وصلتنه
    * ردْ يواليـــــنه حــرم ظليـــــنه
    كربله هظمتنه

    *************************************************
    5/ ادري يجاســم بالدهر هــذا اليــوم . ...... سوى اليريده
    اوكالولي ابنج عالترب تجري ادموم ..... .. من دم وريده
    اوليلة فرحتي ابزفتك يالمظلوم ............. صارت بعيده

    * اتكدرت عيشتنه واعتلت صرختنه
    * ابحزن ناديـــــنا اوحــــــرم ظليـنه
    كربله هظمتنه




    أبو حيدر المجراوي
    محرم 1432 هـ
    بسمه تعالى
    المستهل الشاعر ابو حيدر المجراوي

    *هاهنا شعبٌ جريحٌ ... ومن الحزنِ ينادي ...( واحسيناً.. واحسين)
    * لم أزلْ منذُ قرونٍ ...ارتدي ثوبَ حدادي...(واحسيناً.. واحسين)
    سلبوني ثروتي ...... صادروا حريتي ......كسروا أجنحتي
    *وغدا الأمرُ مُريباً...وغريباً في بلادي ...( واحسيناً.. واحسين)
    *********************************************************************
    1 1
    ياملاذاً نجّني مـــــــــــن زمنٍ كادَ فيه المــــــــرءُ مقهوراً يمـــوتْ
    لا لا أطيق العيشَ فـــــي مملكةٍ من زمانِ الطفِّ يغشاها السكوتْ
    و والقبور انتشرتْ واندثرتْ ثـــــم عادت.. فنسمّيهــا بيـــــوتْ
    أيُّ بيتِ الخوفُ لا يسكنـــــهُ اوهنُ الأشيـــــــاء بيتُ العنكبوتْ
    وكما كانت على عهدٍ مضـى اضحكَ الدهـــــــــرُ رموز َالجبروتْ
    وضحايا الأمسِ أمستْ خبراً لـــــــــمْ تجدْ فاغــرةُ الأفواهِ قوتْ

    كمْ رفعتم لافتات.......... بوعود كاذبات .......... قد حسبناكم حماة
    * فتماديتم علينا .. واحتميتم بالأعادي .. ........... (واحسيناً واحسين)

    \


    2 غاب عن سيناء موســــــى ويهوذا فـــــــــي العريش
    ومضى أمــــــــــر السقيفة بين تيــــــــــــــم وقريش
    هكذا أضحــــــــــــت بلادي بالهتافات تجيـــــــــش
    جاءنا المحتـــــــــــل هيا قولوا مرحا كي نعيش
    جاءَ كَــــــــــــــيْ يعلن ثورة فلنصفق يا يعيــــــــــــش
    وإذا طفــــــــــــــــلٌ تظاهرْ يطلب الحاكــــــــم جيش
    لنرى فصـــــــــــــل اعتقال هتك أعراض وطيــــــش
    أنما الأمـــــــــــــــــــر سجال وعروش الظلــــــــم ريش
    حينما يأتي محرمْ ...... فجروحي تتكلمْ ........ وفمي غير مكمّمْ
    *سأعرّي من تولّى نهبَ خيرات العباد ِ ............... (واحسيناً واحسين)
    *******************************************************************
    3 لـك أشكو ظلـــم قومــي يا إمــــــــــــام الثائـــرين
    يُشتمُ الحاكــــــــم جهراً فــــــــــــــــي بلاد المشركين
    ويداعي المرء فـــــــــــــي كشـــف حساب الحاكمين
    لايُعاقبْ أو يُحاســــــــــب أو يوقــــــــــــف ساعتــين
    وأنا لــــــــــو قُلــــــت رأياً فـــــــــي أمـــــــــور المسلمين
    كيف لـــــــــــــــي ان اتوارى عــــــــــــــن عيون المخبرين
    وأُطاردْ بجــــــــــــــــريرة شتـــــــــــــمُ أصحابِ اليمين
    وأُحاكَـــــــــــــــــــمْ بقيودي بعــــد أن تمضـــــــــي سنين
    تُهمتي قُلتُ كلام فيه خدْشٌ للنظام فأنا ضد السلام
    وأنا خُنْتُ علياً وحليفٌ للمرادي .............. (واحسينا واحسين)

    4 4
    أنـــــــت في كــــــــل مكان أنـــــــت في كل زمن
    أنــــت مشكاة نبـــــــــــــي تعطي من غير ثمن
    ولــــــــهذا جئت أشكو لـــكَ من فرط المحن
    صرت في مسقط رأسي كالأسير المرتهن
    إذ أرى الموت كظلي فـــــــــأصلي بكفن
    كيف أرجو من ذئابٍ سوف تبني لي وطن
    كم زعيم راح يدعو قانتا خـــــــــلف وثن
    ملكَ الأذنابُ أمري فَسِد الأمـــــــــــــرُ إذنْ
    اصدر الوالي المعظم امره لا نتظلم حتى يبني ماتهدم
    جاء باللص وزيرا لملفات الفسادِ ................. ( واحسينا واحسين)
    00000000000000000000000000000000000000000
    5 كم عظيمٍ في بلاد ان ترى شعباً يثور
    يجعل التيجان تهوي خلف اسوار القصور
    يجعل النيران تدوي وعلى الباغي تدور
    فبلادٌ لاتــــــــرّوى بــــدمٍ قانٍ طهورْ
    تلك لاتُدعى بلادٌ بـــــلْ سجونٌ وقـــــبور
    أرضها تصبح غابهْ شرعهــا قتلٌ وجـــــورْ
    تحكُمُ الناسَ عصابهْ تبني حول الشعب سور
    يكـــــتب الوالي عليه لامــــــــــكاناً للعــــــبور
    بلد لايستقيم فيه آبار الجحيم من زعيم لزعيم
    لم نعُدْ نملك شبراً ورثوا أرض السوادِ ............. (واحسيناً واحسين )


    نسألكم الدعــــــاء .....ابو ليث






















      الوقت/التاريخ الآن هو الخميس سبتمبر 21, 2017 4:36 am