مؤسسة الرسالة التربوية فرع المجرالكبير


    قصائد الشاعر ابو حيدر المجراوي

    شاطر
    avatar
    ابوليث
    المشرف العام والمنتدى الحسيني

    عدد المساهمات : 32
    تاريخ التسجيل : 03/10/2010
    العمر : 41
    الموقع : ميسان/المجر الكبير

    قصائد الشاعر ابو حيدر المجراوي

    مُساهمة  ابوليث في الأحد نوفمبر 27, 2011 12:05 am

    المستهل:
    *لنعم الحر من آل الرياحي * صبور كان في سوح الكفاح
    لـــن تنساه000 سوح الردى
    من يخشاه 000 جيش العدى
    ************************
    1. ابصدر ابن الرياحي اتلجلجت عبره ذكـــر موقــف معيب وقاســي يعتبره
    جـعـجـع بالحســـين او روع العتره وبلحظـة هــدايه اتــلاحـــــك العمــره
    ابوكت شاف الامام ايريــد الينصره كصد ركـب الحسين اونضجت الفكره
    قـرر بالـطـفـوف ايـواكــــب الثـوره اوعلى خوض المنايا الحر حسم امره
    *يمنّي النفس في قرع الصفاح * اراد الفوز في درب الصلاح
    درب الجاه 000 والســـــؤددا
    من يخشـاه 000 جيش العدا
    ************************
    2. البشر حر ابقراره اوموقفه اووضعه اذا يملـك اراده اومبـدأه ايدفعــــــــــــه
    جميع اهـل الأرض ما ممكن اتقنعه فقـط صوت الضمير اشقـرر ايسمعــه
    الحر حدد مصيره اوما بعـــد رجعه عرف ياهو اليضره اوياهو الينفعـــــه
    عشك نهــــج الحسين اوقرر ايتبعه ولو جسمه السيوف المرهفه اتوزعه
    *توضا الحر من فيض الجراح * لما لاقاه من طعن الرماح
    عــنـــد الله 000 مخلــــــــدا
    من يخشـاه 000 جيش العدا






    3. كـل صاحب ذنب مهما عظــــــم ذنبه صحى اوثوب المعاصي امقرر ايذبه
    إذا صافي السريره اويخشى من ربه يرضـــى الباري عنه اوتائب ايكتبه
    مثال ابن الرياحــــــي الدركته التوبه من وافـــــى الحسين ابديرة الغربه
    رخص عمره اليريد العاقبه الطيبـــه اوعلي الاكبر نعاه ابساعـة الصعبــه
    * سلام من ربى أهل الفلاح * لمن وافى حسينا في الصباح
    اذ حيـــــاه 000 سبط الهدى
    من يخشاه 000 جيش العـدا
    ***************************
    4. الـحـــر عنده علامه من ترك داره نـــــداء امـن السماء ايزفله البشاره
    الــــك بالجنه بيـت او انته تختاره سأل روحــه او عليه اختلطت افكاره
    ياجنـــــه يشـوف اليدري مشواره الحرب ابـــن الرسول التسطع انواره
    اومن شاف الحسين اوقلة انصاره اكبـــال ابـن الدعــي وجيوشه جراره
    * كطير صار مطلوق الجناح * اتى ضمآن للماء القراح
    في مولاه 000 مستنجــــدا
    من يخشاه 000 جيش العدا
    **************************
    5. نجاة الحر كرامه البنت نبي الامه ابيوم اللــــي تلكه اضعون ابو اليمه
    ذكر امــــــه الامام او أنبه ابكلمه بس الحـــر حليـم او دركتـه الحكمه
    اذا رد عالحسين اشينكر امن امه هاي اللــــي بسمها الكوثر اتسمـه
    تاج اعله النساء او للبشر رحمـه او لجلها الحر وكف يتبرع ابدمــه
    *يرى ابناءها أهل السماح * ستنحر هاهنا نحر الاضاحي
    كي ترعاه 000 كف الندا
    من يخشاه 000 جيش العدا
    خادم أهل البيت عليهم السلام
    أبو حيدر المجراوي
    بسمه تعالى
    المستهل : -
    * فدوه لحسين أربعتهم ........ فدوه لحسين
    * كالت أمهم ناذرتهم ......... فدوه لحسين
    والنعم ام البنين هذا نهج الثائرين
    فدوه لحسين
    000000000000000000000000000000000000000000000000000000000000000000000000000000000000000000
    1. موقف الحرة الوفيه جان اعظـــــم مفخـــــــره
    تستحق هاي المكانه اتكون زوجه الحيدره
    قدّمت اربع ولدها دون إبن الطاهــــــــره
    هاي شيمة نبي مرسل أبد موشيمـــة مــــــره
    * تنتظر كل هالسنين اوربّت إليوث العرين
    فدوه لحسين
    00000000000000000000000000000000000000000000000000000000000000
    2. إنتي موبس أم عظيمه إنتي فعلاً مدرســــــــه
    خرجّت للطف فدائي الكون كلّه ايقدّســـــــه
    بالحرب لو ذكروا اسمه ايخاف جيش الغطرسه
    قائد اويسقي العطاشه اوخدر زينب يحرســـــه
    * تشهد ابهاي العرب عالنهر بالدم كتب
    فدوه لحسين







    3. حكّه حيدر من يدّور عن نسب بت الاصول
    رادها جلده اوتقيه او حرّه ولد تها الفحول
    وكفت ابيوم الشدايد موقف ايحير العقول
    يا مره النذرت نذرها اويامره التوكف تكول
    * لو بعد عندي اربعه مثل سبع المشرعه
    فدوه لحسين
    000000000000000000000000000000000000000000000000000000000000000
    4. عدْ نساء الدنيه كلها حيل صــعبـــه المســـــأله
    للمنيه اتودّع إبنها هـــــاي أكبر معضــــــــله
    لكن ام عباس رادت توصــــل اليــــامنزله
    صمّمت درب الكرامه للنهايه اتواصلــــــــــه
    * بالبدور الساطعه للسبط متبرعه
    فدوه لحسين
    0000000000000000000000000000000000000000000000000000000000000
    5- من طلع ركْب الامامه ايريد يمشي الكربله
    صاحت ام عباس يبني ياعميد الـــــــمرجله
    يبني عينك عالعقيله هاي بت عقد الولــــــــــه
    اوكون يابـــــدر العشيره ماتعوف العايلــــــــــــه
    * دونها اتضحي العمر وانته ابن فارس بدر
    فدوه لحسين
    خادم اهل البيت (عليهم السلام )
    ابوحيدر المجراوي
    محرم 1433هـ



    بسمه تعالى
    المستهل :-
    * قـــــــــرر حســــين 000 يمـــــوت أعــــلــه العقيــده
    * قــــــــرر الـــــدين 000 يـــــكتبه ا بــــــدم وريـــده
    0 قــــــــــــــــراراته أعله غايه 0 حسبهــــــــا امــن البـــــدايــــــــــــه
    ****************************************************
    1- ثار ابو السجاد 00 من وطن جده - اوكل اهل بيته00 عدت العده
    للعراق ايريد 00 كربت المده - حتى يحيي آثار 00 والده اوجده
    * يعرف ادماه,, اذا سالت اكيده * تهدم اعروش 000 عبيد الله او يزيده
    * خلص عصر الوصايه * حسبها امن البدايه
    ********************************************************************
    2 - للطفوف اوياه 00 حمل أطفاله - اويدري ملك الموت... ظله يبراله
    بالأمر غايه 00 أتفسر ألحاله - بيها شاء الله... تنسبي اعياله
    * يعرف أهنـــــاك .. تظل زينب وحيده * او تفكد أطفال ..... بالدروب البعيده
    0 او بعد ينطي ضحايه 0 حسبها امن البدايه
    *********************************************************************
    3- بالروايه اخبار 00 طه مصدرها – مجمل الاحداث 00 بيها ذاكرها
    تنتهي الامه 00 اوكل مأثرها - غير ابو السجاد 00 مايحررها
    * يكتب حسين 00 شعار الثوره بيده * دين الاسلام 00 عزيز ايظل نريده
    0 قره احداث الروايه 0 اوحسبها امن البدايه




    4 أمة الإسلام 00 جانت اتعاني - صار دين الناس 00نهج سفياني
    اوظلت الاحرار 00 صابره اتاني - يكلب الاحداث 00 امر رباني
    * او يرتفع صوت 00 نشيد الدم نشيده * ينتشل جيل 00 بعد جيل او يعيده
    0 على ادروب الهدايه 0 حسبها امن البدايه
    **************************************************************************
    5 حرثة الاقدار 00 رغم مابيها – راد ابو الثوار 00 وحده يمشيها
    يدري راح ايعيش 00 كل مأ سيها – بس عقول الناس 00 كون يبنيها
    * عافت الدين 00 والأفكار السد يده * اوسلمت للـــ 00 الخلافه اللارشيده
    0 تمادوْا عالولايه 0 حسبها امن البدايه
    ***************************************************************************
    كل شعب مظلوم 00 ممتحن بامره – ينتظر قائد 00 يعلن الثوره
    بس شعب كوفان 00 خالف الفطره – ويه ابو الثوار 00 كشف عن غدره
    * كالوا حسين 00 يجي او احنه رصيده
    * تالي ليزيد 00 صفو ناسه او عبيده
    0 استحقّوا هالنهايه 0 حسبها امن البدايه


    خادم
    أهل البيت عليهم السلام
    أبو حيدر المجراوي
    محرم / 1433


    بسمه تعالى

    المستهل :- * من مركز اشعاع الثوره * تصريح ايلائم كل فتره
    * واضح مضمون التصريح * كلمن عادى حسين ايطيح

    ******************************************************************************

    1- قرينه اشكد مواقف كتبت الأ قلام 00000 بدءاً من اميه الحد عصر هدام
    ياما إعله الشعوب اتفرعنت اصنام00000 اوجبال اتغيبت واتعملقت اقزام
    أول ماتباشر تصدر الاحكــام 00000 ممنوع ابمحرم ترتفع أعـــــــــــــــــلام
    لأن هذا الشهر ايامه مو أيــــــــــام 00000 شعائرهن حجر واعروشهم من جام
    * بس وين اليتلاحك عمره * اويتعنه ايشم عطر الحضره
    0 اويسمع اصوات التسبيح 0 كلمن عاده حسين ايطيح

    ******************************************************************************

    2- شعار اللي ترفعه الدوله مو مقياس 00000 وشعارات اشكثر مخدوعه بيها الناس
    مثل ماخدعت العالم بني العباس 00000000 (ابثار حسين) تدري يهيج الإحساس
    اولمّن هيمنت عالسلطنه الارجاس 00000000 تعدّت ْ عالضريح اوهدمته امن الساس
    لجن شارة ضريحه او الله فوك الراس 00000 ذلتها المغول اوكل مجدها انـــــداس
    * والما راعو حق العتره * ماظل واحد نندل كبره
    0 ظّلام اوذرتها الريح 0 كلمن عادى حسين يطيح







    3- حكومات العرب معر وفه كلها اذناب 00000 اوندري السلطوها اعله العروبه اجناب
    يتوجون الملك بس مو ملك كصاب 00000 الف سياف عنده اللي تكص اركــــاب
    او الف (مفتي الديار) اتكض عليه الباب 00000 تصغي الكل اسم منه الملك يرتاب
    (احسين او كربلا) بالطاري ماتنجاب 00000 والينصب عزاءه تهمته الارهاب
    * مايرضون اعداه انذكره * للعالم مفهومه الفكره
    0 ماتحتاج الكل توضيح 0 كلمن عادى حسين ايطيح
    *************************************************************************
    4- عرفنه الطف قضيه مو قصص واخبار 00000 اوتجارب ناضجه بيها العقل معيار
    للرايد يأسس دولــــــــــــــــه ماتنهار 00000 يبحث عن ثوابت نهج ابو الاحرار
    دين الدوله ذمه ابركبة الاخيار 00000 اومن حقه الشخص يامعتقد يختار
    اومن حق كل شخص بالدوله يملك دار 00000 ترى الحرمان منجم يصنع الثوار
    * كل حاكم مايحسم امره * ويفكر بالناس الفقره
    0 حقها الناس بوجهه اتصيح 0 كلمن عادى حسين ايطيح
    *******************************************************************************
    5- كبل جان ابلدنه اشكد ظلم واجحاف 00000 اوطوامير السجن محجوزه للاشـــــــــــــراف
    تغّير كل وضعنه بس بعدنه انخاف 000000 جديده التجربه او محتاجه ناس انظاف
    محتاجه الرسالي الواضح الشفاف 00000 وللصارو ا ضحايا ايعا ين ابأنصـــــــــــاف
    نخاف امن اليجي اويصعد على الاكتاف 00000 او معروف الوصولي ابياوكت ينشــــاف
    * وكت الحج وايام العمره * مانحسب راح اجم مره
    0 واقع هذا اومو تجريح 0 كلمن عادى حسين ايطيح
    من مركز اشعاع الثوره
    خادم
    أهل البيت عليهم السلام
    ابو حيدر المجراوي
    محرم 1433 هـ

    بسمه تعالى
    المستهل:.
    * راح الكفلني وما رجع * بس لاعلى الشاطي وكع
    0 مـــا اجـــانـــــــــــــي 0 أو أبــقــه أعــانــــــــــي
    بس لا علـى الشاطـي وكــع

    ******************************************
    1.
    محتاره الكفلني اشلون اوصيله او لا اندل مكانه خاطـــــر امشيلـه
    عن هظم الاعادي رايده اشكيله اويدري ابت علـي ما تحمل العيله
    * وتنطرت راعــي الـعـلــم * يـا ساعــه يرجــــع للخيـــــــم
    0 واعدانـــــــــي 0 اوابقه أعانـــــــــي
    * بس لا علــــى الشاطـــــي وكـــــع

    ******************************************

    2.
    أريد أبجي على اليستاهل أبجيله وكع واتعجبت يا كاع التشيلـه
    جبل ما ينحني اولا يعرف الميله لو يلتم عليه العسكــر ابخيله
    * دم أبجـي مـا أبجــي دمـع *عالفاركاني ابها لوضـع
    0ضيعانـــــي 0 او ابقــه اعانـــي
    * بس لا علـى الشاطــــي وكــــع

    *******************************************
    3.
    بعيد العلكمـــي ودروبه مسدوده اوتعطـل مـا اجانـه الننتظــر جوده
    صحت هذا وكتها الخوه مريوده اثاري اعله الفرات امكطعه ازنوده
    * يصعب علـــي هـــذا الامــر * عالـعـلكـمـي ايغيـــب البـدر
    0 وانه أتانـــــــي 0 او ابقــه اعـانــــــي
    * بس لا علــى الشاطــي وكــــع



    4.
    توجيت على صبري اوكابرت كوه اوتعنيت الشريعه اتفكـد الخوه
    ناديته العذر يا صاحــــب النخوه خدري حركته الماعدهم مروه
    * يـا بالـفضـل جيــت اعـتـذر * لـو بيدي مـا عـوف الخدر
    0 الهـــــم دهانـــي 0 او أبقه أعانــــــي
    * بس لا علــــى الشاطـــي وكــــع

    *****************************************

    5.
    عتاب اعله الزمان ابكلبي شايلته ابد مو عالكفلنـي او آنه عاذرتــــــه
    تشهدله الخلك ما قصـــر اويخته لجن غدر الزمان امن الصبا اعرفته
    * معذور ابن لـيـث الـعــــرب * كـــل محنتـــي اوهـذا التعـــب
    مـــن زمـــانــي 0 ابـقـه اعـانــــي
    بس لا عـــلـى الشاطــــي وكــــع

    *************************************

    خادم
    اهل البيت عليهم السلام
    ابو حيدر المجراوي 1433 هجريه


    بسمه تعالى
    المستهل :
    * قاسي اشكثر يادهر ما ادري يمته اتلين
    * ماجن كفيلي الكمر اولاجنّي اخت حسين
    00000000000000000000000000000000000000000000000000000000000
    1. شلك عندي يدهري اتعذب ابحالي من زغري المصايب كلها تبرالي
    اومثل هاي القصص ما مرّت ابّالي اشوف اهل الحميه امذبّحه إكبالي
    *حزني اوعذابي كثر * من راحوا السبعين
    أتمنه فارس مضر للطف يجي هالحين
    000000000000000000000000000000000000000000000000000
    2. نزف كلبي حنين اوبيش اصبرنّه على اللّي ودّعيته إو أيست منّه
    جان اصعب وداع اوروحي تتمنه اودعها الحياة اولا اودعنه
    * كلبي اعله اخوي انكسر ويصب دمعها العين
    * من عنده ما رد خبر اولا ادري طايح وين
    000000000000000000000000000000000000000000000000000
    3. بالطف يا دهر.. هاي اصعب ايامي من شفت العساكر تحرك إخيامي
    اوفرّت بالبراري هايمه أيتامي رحت صوب الشريعه او تعثر اجدامي
    * ها بعده صار النهر والحيل اجيبه امنين
    بالحرثه جدمي عثر بالرايه والجفين







    4.حرت رحلة عذابي امنين أنه أبديها اوقصص عندي اونوايب المن أرويـــها
    على اهلي لو بجيت الدنيه أبجّيها حرم عندي اويتامى اتريد أهاليها
    * كل لحظه أعدها ابشهر كل ساعه أعدها إسنين
    من مثلي ها كد صبر أصـبر بعد لاويــن
    0000000000000000000000000000000000000000000000000000000
    5. دمع وآهات ليل العاشر إكضيته او مايطلع نهاره اشكد تمنيته
    يدهري أدري ابنهاره اوشنهي تاليته ما يتركلي والي الاكعد إبّيته
    * موبيدي حكم القدر يتخير الطيبين
    * بالغربه طال السفر وأمسوا هلي ابعيدين







    خادم اهل البيت (عليهم السلام )
    ابوحيدر المجراوي
    محرم 1433هـ





    بسمه تعالى ص1
    قصيده التطبير (( الحيدر))
    * المقدمـــة :.
    قــــــل للشفيعة بنت المصطفـــــى طه 00000 ذي كربـــــــلاء وهـــــا نحن أعدناهــــا
    اذ عاكفين علــــــــى التطبير أحزننا 0000 ذكــــر الطفوف وويــــلات سمعناهـــــا
    فيها الحســــين غــدا شلـــواً تمزقــــه 0000 نصل السيوف وما فــــي البال ننساها
    ندمــي الرؤوس مواساةً لفاطمـــــــــة 0000 لا يحسب المـــــــرء إنا مــا وعيناهـــــــا
    تعصب الشرك .. حتى قال ذي بــدع 0000 وما يضير فمـــا نحـــــــن ابتدعناهــــا
    تبكي السماء وما نبكي .. فوا عجبا 0000 والكــون يشهـــد أن الله أبكــــــــاهــــــا
    بــدم بكتـــه وفــــي أخباركـــــم وردت 0000 تلــك الرواية نصــــا فاعتمدناهـــــــا
    هـــي العقيدة ما أسمــــى شعائرهـــــا 0000 نحيـــي الطفوف بأكفان لبسناهــــــا
    تلك الجراحات بعض مـــــن عقائدنا 0000 وللسيوف طقوس قــــــد ورثناهــــا
    **************************************************
    • يا (فاطمه) 00 يا ابنة الكرام ــــــــــــ صدر حسين ملتقى السهام
    ورأسه المخضبا 00 000 وا ويـــــلاه
    قد صار نهبا للضبا 000 وا ويلاه
    حيدر000 حيدر000 حسين
    حســــــــــــــــين000000 حســــــــــــــين 000 حيــــــــــــدر



    حيدر0000 حيدر0000 حسين ص2
    1- هاليوم اجينه اصفوف 00 نرفع بدينه اسيوف 00 هذا الامــــر معروف * المن ندك حيـــــــــدر
    2 – دم نصبــــــغ الاكفــــان 00 عالمنذبــح عطشان 00 ظل عاري بالميدان * واتصـــور المنظـــــــر
    3- يــــوم الطبـــــــك لازال 00 تتناقلـــه الاجيال 00 دم العقيده السال * بالمجتمـــــــع اثـــــــر
    4- تنهانه بعـــــض الناس 00 ليش الطبر عالراس 00 واتهيج الاحساس 00 اونار الكلب تسعــر
    5- مرخوصـــه هالقامات 00 تشرب دمه الهامات 00 اونطبر عشر طبرات 00 من اجل ابو الاكبر
    6- ماتنزل الاعـــــــــــــلام 00اولا يسكت الدمـــــــام 00 او يبقى الطبر عالهام * لبن القلــع خيــبر
    7- وقعنه بالاصــــلاب 00 بايعنه داحي الباب 00 هالبيعه الها أسباب * يحضرنه بالمحشر
    8- ابهذا النهج ماشين 00 بالزهره متمسكين 00 ندري أم حسن وحسين * يوم الطبك تحضـر
    9- يابضعة المختـــــــار 00 طب موكب الانصار 00 سالت دماءه أنهار * بس بعده يتعـــــــــــذر
    10 – اليوم الطبك منذور 00 شيعي اودماي اتفور 00 والشيعي في عاشور * كــل وضعه يتغـــــير
    11- عالما روى امن الماي 00 ناذر تسيل ادماي 00 مأجوره امي ابهاي * نذرتنــــــــي اتطــــــبر
    12- يتساءل الاعــــــــلام 00 ليش الدمه ابكل عام 00 وشمعنه هالايام * بيها احنــه نتأثــــــر
    13- رغماً على النقـــــاد 00 هاي الصور تنعـــاد 00 هاليوم ابو السجاد * فــــوك الثـــرى امـــوذر
    14- وين الفضائيــــــات 00 مو بس تشن حملات 00 يوم الطبك بالذات * بيــه احنــــه نتحرر
    15-هالصرخه للتاريخ 00 خل توصل المريخ 00 هالقامه لاتفخيـــخ * لاعبوه تتفــــجــــر
    16- يالمهدي صحنه بصوت 00 من دولة الطاغوت 00 يوميه موته نموت * ويوميه نتكفـــــــــر
    خله 17- نطبر علــــــــــى المظلوم00 خلها الاعادي تلوم 00 لابد يجــــي فديوم * والمنتظر يظهــــــــر



    خادم اهل البيت/ابو حيدر المجراوي
    محرم 1433 هـ

    بسمه تعالى
    المستهل :-
    * يامصلحاً ما أروعك ْ * طوبى لمن كانوا معك
    تحدوا بهم نحو العلا والملتقى في كربلا
    * طوبى لمن كانوا معك
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    1 . يالمهاجر تلبي دعوة الكوفه اونشيد الدم ترتل ((كربله)) احروفه
    إذن عندك هدف يستاهل اتشوفه هـدف لهل اليقين اسراره معروفه
    ذليل المجتمع ومجتف ابخوفه هواه ايميل الك بس ضدك اسيوفه
    نزف جرح العقيدة اومحّد ايروفه علاجه التضحيه اوما ممكن اتعوفه
    *اعطيت َ حتى إصبعك * والخيل رضّت أضلعك ْ
    كي تصنع المستقبلا والملتقى في كربلا
    * طوبى لمن كانوا معك
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    2.خلعْت إثياب حجّك سيدي ابهالعام وإحرامك قطعته إبآخر الايام
    واجيت (ابكربلاء) اتجدد الاحرام اوعلى الحج الصحيح اتعلم الاسلام
    اوردت كل البدع تحكمها بالاعدام اوتحرر دين جدّك من هوى الحكام
    لأن اصنام كامت تعبد الاصنام اوتريد ابدم وريدك تشرح الاحكام
    * للموت ظلٌّ يتبعكْ * والركب طوعاً بايعك
    فالحرُّ دوماً مبتلى والملتقى في كربلا
    * طوبى لمن كانوا معك



    3. ظلم والريح صفره اوعميه عين الليل او سجين النذر ما ذبحت اسماعيل
    قريت المعجزه والغايه بالتبديل كلت هذا الامر رايد دماء اتسيل
    كبل لا آل أميه أتحرّف التنزيل مثل ما بالصليب اتحرف الانجيل
    صحت يامرهفات اويا نواصي الخيل موعدنا إقترب ما يحتمل تأجيل
    *للمجد كفٌّ ترفعك * والبيض تروي مصرعكْ
    مابين عسلانِ الفلا والملتقى في كربلا
    * طوبى لمن كانوا معك
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    4. نهاك امن المسير الما عرف حجمه اويقدملك نصايح قاصر الهمّه
    تعوف ارض الحجاز اوموطن الرحمه اورايح للعراق الوالدك ذَمّه
    لا تاخذ نساء العفه والحشمه كلت شاء الاله ابحكمته اوعلمه
    بنات المصطفى تسبيهن الامه اوجسمي ابكربلا يتخضب ابدمه
    * من ذا برأيٍ يقنعك ْ واللهُ سراً اودعكْ
    يغنيك عن رأي الملا والملتقى في كربلا
    * طوبى لمن كانوا معك
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    5. سبحانه الاله اشكد صبر منطيك ثائر والخصال الحلوه كلهن بيك
    من مايك رويت اخيول اليعاديك اوبيوم اعطشت خصمك رفض يرويك
    يظن سيف العطش تتراجع ايخليك وانته الدنيه كلهه تعجز اتلاويك
    اسمعت جيش الظلال استسلم ايناديك والرايد حياته( الخارجي) ايسميك
    تجري صحائف ُ ادمعكْ حزناً لجيشٍ نازعك
    مقتولُ يبكي القاتلا والملتقى في كربلا
    * طوبى لمن كانوا معك
    خادم اهل البيت (عليهم السلام )
    ابوحيدر المجراوي
    محرم 1433هـ

    بسمه تعالى
    المستهل :- * ترويها 00 ترويها 00 رادتك ترويها 000عطشانه الاطفال
    *تربي اعله المسنايه * وينك يراعي الرايه
    *عطشانه الاطفال
    ـــــــــــــــــــــــــــــــــــــــــــــــــــــــــــــ
    1- حامل الواء التضحيه 000 والايثار000 بدر الهواشم 000 0مارجع لخيامـــــــي
    اتمنه شبل المرتضى 000حامي الجار000 يرجعلي سالم000 حتى يروي ايتامي
    مو طبعه يتأخّر عليْ 000 فكري احتار 000هاي الفواطم 000من عليها ايحامي
    * تحميها 00 تحميها 00 يالكلت تحميها 00 بالشده العيال
    * اسمع بنات الهادي * بين الخدور اتنادي * عطشانه الاطفال
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    2 - بخيامي عطشانه الحرم 000 والاطفال 000 ظلت اتعاني 000 كلي جودك وينه
    هالغيبه طالت وانتظر 000 مو عالبال 000 هالكد نتاني 000 والهظم والينه
    من آل أميه ياكمـر 000 اشكي الحـــال 000 مومن زماني 000 خــــــويه ردْ اعلينه
    * رد ليها 00 رد ليها 00 ياكمر رد ليها 00صد عنها الارتال
    * زينب يهل مدمعها * كونك تجي او تسمعها * عطشانه الاطفال
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    3 - عطشانه روحي الشوفتك 000 مو للماي 000 يبن الصميده 000 عذّبِت دلالــــــي
    محتاره مابين الكفر 000 ترضه ابهاي 000 اختك وحيده 000 ابكربله يالغالي
    بعدك يسبع الكنطره 000 دهري اوياي 000 سوّه اليريده 000 والغرب تبرالي
    * تدريها 000 تدريها 000 تنهظم تدريها * هاي اخت الابطال
    * صعبه الكفر تشتمها * اوتتمنه حاضر يمها * عطشانه الاطفال



    4 - عذبت حالي امن الضمه 000 اطفال حسين 000 مدمعها جاري 000 اوجودك امتانيته
    تنشدني عنك يا كمر 000 جودك وين 000 ماطفت ناري 000 والصخـــــــــــــر بجّيته
    يالواعدتني والوعد 00000 عندك دين 00000 طال انتظاري 0000 اوكلبي الك ودّيته
    * تحديها 000 تحديها 000 والجنت تحديها * اوتبره الها خيّال
    * جار الزمان اعليها * اوبين الغرب تاليها * عطشانه الاطفال
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    5-
    كونك تشاهد بت علي 000 بيها اشصار 000 يامن عفتها 000 تنتظر مالومه
    لا والي عدها بالخيم 000 لا انصار 000 والخيل اجتها 000 فازعه امن الحومه
    عافت خدرها ابكل كتر 00000 يلهب نار 000 كونك شفتها 000 من بجت مهظومه
    * مَرْ بيها 000 مَرْبيها 000 كل هظم مَرْ بيها * مامَر على البال
    * اخيمها الكفر حركتها * وبلا خدر خلّتها * عطشانه الاطفال


    خادم أهل البيت عليهم السلام
    أبو حيدر المجراوي
    محرم 1433 هــ

    بسمه تعالى
    المستهل:-
    * يا جيوش الطاغيه00 أين المفر؟ * قـرر العباس يحتل النهــر
    0اخته تشكـــي امـن الضمـه * اومن سمــع بـت فاطمـه
    قـرر العباس يحتـل النهـر
    ******************************************
    1- هالحدث بالغاضريـه نقلتــه اخبار الرواة
    سمعوا اجنود الطليعه اتحذر اجيوش الفرات
    للنهر خيال اجاكــم ضاعفوا اعداد الرماة
    فارس الكرار جنــه اويمتلك نفس الصفات
    * اعلنوا الانذار وأجراس الخطر * هذا لو عباس لو فارس مضر
    0 هالنزل للملحمه 0 من سمع بت فاطمه
    * قرر العباس يحتـل النهـر
    *******************************************
    2- صاح أنـه العباس جندي ابعسكرالعز والأباء
    جان أعظــم أمنياتــي التحق في كربـلاء
    حتى أضحي اسنين عمري ابخدمة أصحاب الكساء
    اوهسه زينب كلفتنـــي اوهيه بت خير النساء
    * بت نبينا المصطفى خير الانام * كون تعطش جا على الدنيا السلام
    اويمها ابن حامي الحمه من سمع بت فاطمه
    *قرر العباس يحتل النهر




    3- زينب الحره الابيه اوبت علي حامي الدخيل
    هوه خلالها أمانه ابركبتي اوآنه الكفيل
    يمي تعطش وآنه اخوها غير أسوي المستحيل
    والفرات بكبره أجيبه خاشـع امدنك ذليل
    *هذا يومي اوهاي ساعات الظفر * هالكتايب رايح أحشرها((السقر))
    اوثار راعي الغانمه من سمع بت فاطمه
    قرر العباس يحتل النهر

    4- ضجه صارت بالمعاره واختلف وضع الصفوف
    مــابعد تندل دربها او تيهت حتى السيوف
    خوفها امسيطـر عليها جنها بالمحشر تطوف
    وارتجز حامي الضعينه اوكام يخطب عالألوف
    * (( ها أنا العباس اغدو بالسقا * لا أهاب الموت يوم الملتقى ))
    اونار يجدح صارمه من سمع بت فاطمه
    * قرر العباس يحتل النهر
    ***********************************************
    5- من طلع ساقي العطاشى امصمم اوقاسم قسم
    يوصل الشاطى الفرات اوينزل أيــدك العلم
    مو سهام الدنيا تمطر حـتى لو تمطر حمم
    جوده رغماً عالعساكر يوصل اطناب الخيم
    * تفطر الصيام لو هل الشهر * والعيال امتانيه ايهل الكمر
    بالخيم متألمه اومن سمع بت فاطمه
    قرر العباس يحتل النهر
    خادم أهل البيت (عليهم السلام)
    أبو حيدر المجراوي
    1433 هـ



    بسمه تعالى
    المستهل :.

    * مسلم اعصار * أمس ثار ..... بالكوفه
    * يطلب ابثار * حمى الجار ..... بالكوفـه
    مسلم اربات .. ابو اليمه علي يعني مامات ..ابواليمه علي
    ...................................................................................
    1 0 حذر اوكال ...... لمن صال ... على اجيوش ا لكفر
    0انتو منطين ........ للحسين .... كتب دعوه اشكثر
    0 بايعيتوه ....... اودعيتوه .... يجي اوماظل عذر
    0 تالي خنتوه ..... اونكرتوه .... يساسات الغــــــــدر
    * هاي الابلاد * بالأحقاد ....... معروفــه *
    * والغدر عاد * والأوغاد ......... بالكوفه *
    0 بيها عدوان ... لبواليمه علي 0 عدهم أضغان .... لبواليمه علي
    ......................................................
    2
    0 جيش الأصنام ...... والأقزام ........ تهاوت رايته
    0 أهل الاحزاب...... والالقاب......... جفت مالاكتــــه
    0 والتفت شاف ...... بالآلاف .......... جموع الخانته
    0 قرر ايفوت ...... على الموت...... طموحه اوغايته

    * رد الارتال * والابطال ........... معروفـه
    * ذكره لازال * للاجيال ............. بالكوفه
    0 يملك اصرار ...... ابو اليمه علي . بيده بتار ........ ابو اليمه علي
    ...................................................................................
    3 – طوعه تنخاه ........ على اعداه ........... جموع الظالمه
    تكوى يمناك .......... علي اوياك ......... يراعي الغانمه
    خلها الايام ............. يضرغام ........... شهود الملحمه
    عالمظلين ........ الك دين ............ وحك رب السمه
    0 تحمي ثايات ...... ابو اليمه علي 0 اوتحيي حملات ... ابو اليمه علي




    4- عمه سلطان ......... أمس جان ........... علي حامي الحمه
    باني الاسلام .......... والأيتام ................... عليه متعلمه
    ماملك دار ............. بالآجار ............... سكن بالعاصمه
    اودارت اليوم ............. عليه كوم ........ حقوده اوناقمه
    * خالفه الجيش * غدرليش ......... بضيوفه
    * يعتذر بيش * اذا يعيش ........... بالكوفه
    0 من موالين ...... أبو اليمه علي 0 من محبين ....... ابو اليمه علي
    ........................................................................................

    5- بين الارماح .......... هوى اوطاح .......... عميد المرجله
    زخم الصفوف ......... والسيوف ........... عليه مستعجله
    ما اله انصار .......... والاخبار ............ بعد ماتوصلـــه
    ضعن الأطهار ...... بالآثار ........ يريد الكربله
    *عرفوا الصار * والاسرار .......... مكشوفه
    * حقد الأشرار * اله اوكار .......... بالكوفـــه
    هالحقد بات .... لبو اليمه علي . اوهالعداوات ..... لبو اليمه علي





    خادم
    أهل البيت عليهم السلام
    أبو حيدر المجراوي
    محرم 1433هـ












      الوقت/التاريخ الآن هو الخميس سبتمبر 21, 2017 4:35 am