مؤسسة الرسالة التربوية فرع المجرالكبير


    قصيدة للشاعر حسن راضي الوحيلي

    شاطر
    avatar
    ابوليث
    المشرف العام والمنتدى الحسيني

    عدد المساهمات : 32
    تاريخ التسجيل : 03/10/2010
    العمر : 41
    الموقع : ميسان/المجر الكبير

    قصيدة للشاعر حسن راضي الوحيلي

    مُساهمة  ابوليث في الجمعة أكتوبر 29, 2010 12:44 am

    دگ صدره الگمر لخته الوديعه ..... وحلف بحسين يوصل للشريعه
    السيف ورايه والجود ....... ويومه الهسه مشهود
    وحلف بحسين يوصل للشريعة
    ****************************************
    صال عله الفرات ورجفت اجروفه
    مثل صولة علي وايامة معروفه
    انجرح ګلب العقيلة وجفه اليروفه
    إذا يرجع اخوهه وتسعد بشوفه

    شد سرج الصبر فوك المنية
    وحلف بحسين يمحي افلول امية
    عزمه ولا اله أحدود ويومه لهسه مشهود
    ***************************************
    زاح آلاف جانت عالشريعة اصفوف
    خيالة وزلم ترجف ولاهه الخوف
    جن موت ونزل سيفه ويوزع حتوف
    تتثلم بحده وما تثلمه سيوف
    سطر وجه الفرات بجف يمينة وذكر عطش الحسين وجرت عينه
    بجوده يروي جبود ويومه لهسه مشهود
    ***************************************
    اذا ماي النهر وآلاف بيه تحوم
    علي ممنوع والعلي القيوم
    ما ارجع ابد هذا الامر محتوم
    وغيري بهالكلافه ياهو الملزوم
    مثل صولة علي بخيبر يشوفون واذا عدهم زلم فنهم يثبتون
    يختي وأنه موجود ويومه لهسه مشهود




    مثل صولة ابوي اليوم اراويهم
    وجهنم من حسامي الكل اوديهم
    واملي الجود رغماً مااذل ليهم
    وآنه ابن الصميده بسيفي الاويهم
    ماردن اذا كطعوا يميني مدام الجود سالم فدوة عيني
    تموت شما تجي جنود ويومه لهسه مشهود
    ****************************************
    اختي الواعدتهه ابماي ارد ليهه
    واطفال التتاني اليوم اصل ليهه
    ومن ظيم العطش بخيمها ارويهه
    انه العباس طبعي اعهودي اوفيهه
    العهد منطيه واوفي للصميده من زغري ولزم جفيني بأيده
    اليوم اوفيله العهود ويومه لهسه مشهود



      الوقت/التاريخ الآن هو الخميس سبتمبر 21, 2017 4:35 am